ဆိုင္ကယ္ေတြမွာ ဘာ့ေၾကာင့္ ဒီဇယ္အင္ဂ်င္ မသုံးၾကတာလဲ?

ဆိုင္ကယ္ေတြမွာ ဘာ့ေၾကာင့္ ဒီဇယ္အင္ဂ်င္ မသုံးၾကတာလဲ?

က်ေနာ္တို့ ေန႔စဥ္အသုံးျပဳေနၾကတဲ့ဆိုင္ကယ္ေတြမွာ ဓာတ္ဆီအင္ဂ်င္ေတြပဲေတြ႕ရတာ ဘာ့ေၾကာင့္ပါလဲ။ တကယ္ဆို ဒီဇယ္ဟာ ဓာတ္ဆီထက္ ပို‌ၿပီးေဈးသက္သာသလို ပမာဏအတူတူခ်င္းမွာလည္း ဒီဇယ္က စြမ္းအင္ထုတ္လုပ္နိုင္မွု ပိုမ်ားပါတယ္။ ဒါေပမယ့္ ကားထက္ ကုန္က်စရိတ္သက္သာဖို့ အသုံးျပဳေနတဲ့ဆိုင္ကယ္ေတြမွာ ဒီဇယ္ကို အသုံးမျပဳၾကပါဘူး။ ဘာေၾကာင့္ျဖစ္မယ္ထင္ပါသလဲ?။ အေၾကာင္းရင္းေတြကိုေတာ့ ေအာက္မွာရွင္းျပထားပါတယ္။ 

(က) Compression Ratio

သာမန္ဓာတ္ဆီအင္ဂ်င္ေတြမွာ Compression Ratio 11:1 ေလာက္ အမ်ားဆုံးရွိတဲ့အခ်ိန္မွာ ဒီဇယ္အင္ဂ်င္ေတြက 24:1 ရွိပါတယ္။ အဲဒီ့လိုမ်ားတဲ့ Pressure ေျပာင္းလဲမွုကိုခံနိုင္ဖို့ ဒီဇယ္အင္ဂ်င္ေတြကို ပိုၿပီးထူထူထဲထဲတည္ေဆာက္ရပါတယ္။ အဲဒါေၾကာင့္ပဲ ဒီဇယ္အင္ဂ်င္ရဲ့အေလးခ်ိန္ဟာ ဓာတ္ဆီအင္ဂ်င္ထက္ အဆမ်ားစြာပိုမိုေလးလံသြားပါတယ္။ ဒီလိုအေလးခ်ိန္နဲ႔အင္ဂ်င္ကို ေမာ္ေတာ္ဆိုင္ကယ္ေတြမွာ တပ္ဆင္အသုံးျပဳဖို့မသင့္ေတာ္တဲ့အတြက္ ဓာတ္ဆီအင္ဂ်င္နဲ႔သာ ထုတ္လုပ္တာျဖစ္ပါတယ္။

(ခ) Vibration ႏွင့္ အသံဆူညံမွု

အထက္ကေျပာခဲ့သလိုပဲ ဒီဇယ္အင္ဂ်င္ဟာ Compression Ratio ျမင့္တဲ့အတြက္ေၾကာင့္ အင္ဂ်င္တုန္ခါမွုနဲ႔ ဆူညံသံလည္းပိုမ်ားပါတယ္။ အဲဒီ့တုန္ခါမွုကိုခံနိုင္ရည္ရွိဖို့အတြက္ ဆိုင္ကယ္ကိုယ္ထည္အစိတ္အပိုင္းေတြကိုပါ ပိုၿပီး‌ထူထဲေလးလံစြာတည္ေဆာက္ရမွာျဖစ္သလို ဆူညံသံေလၽွာ့ခ်ဖို့လည္း ေနရာပိုၿပီးလိုအပ္တာေၾကာင့္ ေမာ္ေတာ္ဆိုင္ကယ္ေတြမွာ ဒီဇယ္အင္ဂ်င္ကိုမသုံးၾကတာလည္းျဖစ္ပါတယ္။

(ဂ) အင္ဂ်င္ထုတ္လုပ္မွုကုန္က်စရိတ္

ဒီဇယ္အင္ဂ်င္ဟာ ဓာတ္ဆီအင္ဂ်င္ထက္ ပိုၿပီး ႀကီးမားေလးလံသလို ထုတ္လုပ္မွုကုန္က်စရိတ္ပိုႀကီးတာလည္းအေသအခ်ာပါပဲ။ အဲဒီ့အခ်က္ဟာလည္း ေမာ္ေတာ္ဆိုင္ကယ္ေတြမွာ ဒီဇယ္အင္ဂ်င္မသုံးရျခင္းရဲ့ အဓိက အေၾကာင္းအရင္းေတြထဲ တစ္ခ်က္အပါအဝင္ျဖစ္ပါတယ္။

(ဃ) ကာဗြန္ဒိုင္ေအာက္ဆိုဒ္ထုတ္လႊတ္မွု 

ဒီဇယ္တစ္ဂါလံဟာ ဓာတ္ဆီတစ္ဂါလံထက္ ကာဗြန္ဒိုင္ေအာက္ဆိုဒ္ထုတ္လႊတ္မွု ၁၃%ပိုမ်ားပါတယ္။ ဒါေၾကာင့္ ပတ္ဝန္းက်င္ညစ္ညမ္းေစမွုပိုနည္းတဲ့ ဓာတ္ဆီအင္ဂ်င္ကိုပဲ ဆိုင္ကယ္ေတြမွာအသုံးျပဳတာျဖစ္ပါတယ္။

(င) အင္ဂ်င္အတြင္းပိုင္း ပြန္းစားမွု၊ပ်က္စီးမွု

ဒီဇယ္အင္ဂ်င္ေတြဟာ High Pressure နဲ႔အလုပ္လုပ္တာေၾကာင့္ အင္ဂ်င္အတြင္းပိုင္း ပြန္းစားမွုႏွုန္းပိုမ်ားပါတယ္။ ထို့အတူ အင္ဂ်င္ပြန္းစားမွုဒဏ္သက္သာေအာင္ထည့္ရတဲ့ အင္ဂ်င္ဝိုင္ပိုမ်ားသလို အင္ဂ်င္ဝိုင္လဲရတဲ့ ကုန္က်စရိတ္လည္းပိုမ်ားပါတယ္။

(စ) အင္ဂ်င္႐ုန္းအားႏွင့္လည္ပတ္ႏွုန္း

ဒီဇယ္အင္ဂ်င္ေတြဟာ ဓာတ္ဆီအင္ဂ်င္ထက္ ႐ုန္းအား/လိန္အား (Torque) ပိုမ်ားပါတယ္၊ ဒါေပမယ့္ လည္ပတ္ႏွုန္း ေႏွးပါတယ္။ ဒါ့ေၾကာင့္ ဝန္တင္အားမ်ားၿပီး ေႏွးေႏွးလည္ပတ္ရတဲ့ ကုန္တင္ကား၊ ရထား၊ သေဘၤာ၊ မီးစက္ စတာေတြမွာအသုံးမ်ားၿပီး ႐ုတ္တရတ္အရွိန္တင္ေမာင္းလို့ရတဲ့ ဓာတ္ဆီအင္ဂ်င္ကိုသာ ဆိုင္ကယ္ေတြမွာအသုံးျပဳတာပါ။

(ဆ)  အင္ဂ်င္အေအးခံစနစ္

ဒီဇယ္တစ္ဂါလံဟာ ဓာတ္ဆီတစ္ဂါလံထက္ စြမ္းအင္ထုတ္လုပ္နိုင္မွုပိုမ်ားေပမယ့္ ေလာင္ကၽြမ္းမွုေၾကာင့္ထြက္လာတဲ့အပူစြမ္းအင္ဟာ ဆလင္ဒါနံရံေတြကို ပ်က္စီးလြယ္ေစပါတယ္။ ဒါ့ေၾကာင့္ သင့္ေတာ္တဲ့ အေအးခံစနစ္မ်ိဳးနဲ႔ အပူစြန႔္ထုတ္ဖို့ ဧရိယာက်ယ္က်ယ္ လိုအပ္ပါတယ္။ ဒါေတြကို မျဖစ္မေနထည့္သြင္းတည္ေဆာက္လိုက္တဲ့အခါ ဒီဇယ္အင္ဂ်င္ဟာ ဓာတ္ဆီအင္ဂ်င္ထက္ ပိုၿပီးႀကီးမားသြားလို့ ေနရာကန႔္သတ္ခ်က္ရွိတဲ့ ဆိုင္ကယ္ေတြမွာသုံးလို့အဆင္မေျပျပန္ပါဘူး။

(ဇ) Turbocharger/Supercharger သုံးစြဲရမွု

ဒီဇယ္ပမာဏတစ္ခုကို စြမ္းအင္ျပည့္သုံးစြဲနိုင္ဖို့အတြက္ ဒီဇယ္အင္ဂ်င္ေတြမွာ ျပင္ပေလပမာဏ မ်ားမ်ားစားစာရဖို့လိုအပ္ပါတယ္။ အဲလိုရဖို့အတြက္ ဆလင္ဒါထဲကို Turbocharger, Supercharger ေတြအသုံးျပဳၿပီး‌ ေလမွုတ္သြင္းေပးရပါတယ္။ အဲလိုအစိတ္အပိုင္း‌ေတြပါဝင္ရလို့လည္း ဒီဇယ္အင္ဂ်င္ဟာ ေနရာပိုစားၿပီး ကုန္က်စရိတ္ပိုမ်ားရျပန္ပါတယ္။

(ဈ) ဆီေကၽြးစနစ္

ဒီဇယ္အင္ဂ်င္ေတြမွာ ေလာင္ကၽြမ္းေပးမယ့္ဒီဇယ္ကို Injectors အားျဖင့္ဝင္ေရာက္ေစပါတယ္။ အဲဒီ့စနစ္ဟာလည္း သာမန္ကာပရိုက္တာနဲ႔ Spark Plug အသုံးျပဳတဲ့ ဓာတ္ဆီအင္ဂ်င္ေတြထက္ ထုတ္လုပ္မွုကုန္က်စရိတ္ကို ႀကီးျမင့္ေစသလို ျပဳျပင္စရိတ္ကိုလည္း ပိုတက္လာေစပါတယ္။

(ည) စက္ႏွိုးစနစ္

ဒီဇယ္အင္ဂ်င္ေတြဟာ ဓာတ္ဆီအင္ဂ်င္ထက္ ပိုႀကီး၊ ပိုေလးတဲ့အျပင္ Compression Ratioကလည္းပိုျမင့္တာေၾကာင့္ စက္ႏွိုးဖို့အသုံးျပဳရတဲ့ေမာ္တာကိုလည္း ပိုႀကီးသြားေစပါတယ္။ ဓာတ္ဆီအင္ဂ်င္လို Kick Start နဲ႔ျဖစ္ေစ Starter Motor ေသးေသးေလးနဲ႔ျဖစ္ေစ ႏွိုးဖို့လည္း မလြယ္ကူပါဘူး။

ဒီလိုအေၾကာင္းအခ်က္ေတြေၾကာင့္ ေမာ္ေတာ္ဆိုင္ကယ္ေတြမွာ ဒီဇယ္အင္ဂ်င္ကို အသုံးမျပဳၾကတာပဲျဖစ္ပါတယ္။ အသုံးမျပဳၾကဘူးဆိုေပမယ့္ မရွိဘူးလားဆိုေတာ့ ရွိပါတယ္။ ၁၉၈၀ ႏွစ္မ်ားတုန္းက ဥေရာပတိုက္မွာရွိတဲ့ NATO တပ္‌ေတြကစစ္သုံးယာဥ္ေတြမွာ ဒီဇယ္ေလာင္စာဆီကို တစ္သမတ္တည္းသုံးဖို့သတ္မွတ္ၿပီး အီတလီနိုင္ငံ Lombardini ကုမၸဏီကတပ္ဆင္ထုတ္လုပ္တဲ့ ေလေအးခံစနစ္ တစ္လုံးထိုးဒီဇယ္အင္ဂ်င္တပ္ဆိုင္ကယ္ေတြ၊ Sidecar ေတြ အသုံးျပဳခဲ့ဖူးပါတယ္။ 

ထို့အတူပဲ ၂၀၀၅ခုႏွစ္ေနာက္ပိုင္း အေမရိကန္ မရိန္းတပ္မွာလည္း ဒီဇယ္ဆီေရာ JP8 ဆီပါအသုံးျပဳနိုင္တဲ့ ကင္းေထာက္ေမာ္ေတာ္ဆိုင္ကယ္ ေတြအသုံးျပဳခဲ့ပါတယ္။ 

 325cc Single Cylinder ဒီဇယ္အင္ဂ်င္နဲ႔ထုတ္လုပ္ထားတဲ့ အိႏၵိယနိုင္ငံထုတ္ Royal Enfield Taurus ဆိုင္ကယ္ကိုေတာ့ ပုံမွာ ေဖာ္ျပထားပါတယ္။ 

စာဖတ္သူအေပါင္း ဆိုင္ကယ္ဗဟုသုတ ရရွိနိုင္ၾကပါေစ။

ေမတၱာျဖင့္

ကညီ

My Cubbie Trips

Ref; Wikipedia, Mechanicalsphere.

All Photos Credited to Original Photographer.

#MyCubbieTrips

#Motorcycle #Knowledge

#DieselMotorcycles

Crd copy.

(Unicode)

ဆိုင်ကယ်တွေမှာ ဘာ့ကြောင့် ဒီဇယ်အင်ဂျင် မသုံးကြတာလဲ?

ကျနော်တို့ နေ့စဉ်အသုံးပြုနေကြတဲ့ဆိုင်ကယ်တွေမှာ ဓာတ်ဆီအင်ဂျင်တွေပဲတွေ့ရတာ ဘာ့ကြောင့်ပါလဲ။ တကယ်ဆို ဒီဇယ်ဟာ ဓာတ်ဆီထက် ပို‌ပြီးဈေးသက်သာသလို ပမာဏအတူတူချင်းမှာလည်း ဒီဇယ်က စွမ်းအင်ထုတ်လုပ်နိုင်မှု ပိုများပါတယ်။ ဒါပေမယ့် ကားထက် ကုန်ကျစရိတ်သက်သာဖို့ အသုံးပြုနေတဲ့ဆိုင်ကယ်တွေမှာ ဒီဇယ်ကို အသုံးမပြုကြပါဘူး။ ဘာကြောင့်ဖြစ်မယ်ထင်ပါသလဲ?။ အကြောင်းရင်းတွေကိုတော့ အောက်မှာရှင်းပြထားပါတယ်။ 

(က) Compression Ratio

သာမန်ဓာတ်ဆီအင်ဂျင်တွေမှာ Compression Ratio 11:1 လောက် အများဆုံးရှိတဲ့အချိန်မှာ ဒီဇယ်အင်ဂျင်တွေက 24:1 ရှိပါတယ်။ အဲဒီ့လိုများတဲ့ Pressure ပြောင်းလဲမှုကိုခံနိုင်ဖို့ ဒီဇယ်အင်ဂျင်တွေကို ပိုပြီးထူထူထဲထဲတည်ဆောက်ရပါတယ်။ အဲဒါကြောင့်ပဲ ဒီဇယ်အင်ဂျင်ရဲ့အလေးချိန်ဟာ ဓာတ်ဆီအင်ဂျင်ထက် အဆများစွာပိုမိုလေးလံသွားပါတယ်။ ဒီလိုအလေးချိန်နဲ့အင်ဂျင်ကို မော်တော်ဆိုင်ကယ်တွေမှာ တပ်ဆင်အသုံးပြုဖို့မသင့်တော်တဲ့အတွက် ဓာတ်ဆီအင်ဂျင်နဲ့သာ ထုတ်လုပ်တာဖြစ်ပါတယ်။

(ခ) Vibration နှင့် အသံဆူညံမှု

အထက်ကပြောခဲ့သလိုပဲ ဒီဇယ်အင်ဂျင်ဟာ Compression Ratio မြင့်တဲ့အတွက်ကြောင့် အင်ဂျင်တုန်ခါမှုနဲ့ ဆူညံသံလည်းပိုများပါတယ်။ အဲဒီ့တုန်ခါမှုကိုခံနိုင်ရည်ရှိဖို့အတွက် ဆိုင်ကယ်ကိုယ်ထည်အစိတ်အပိုင်းတွေကိုပါ ပိုပြီး‌ထူထဲလေးလံစွာတည်ဆောက်ရမှာဖြစ်သလို ဆူညံသံလျှော့ချဖို့လည်း နေရာပိုပြီးလိုအပ်တာကြောင့် မော်တော်ဆိုင်ကယ်တွေမှာ ဒီဇယ်အင်ဂျင်ကိုမသုံးကြတာလည်းဖြစ်ပါတယ်။

(ဂ) အင်ဂျင်ထုတ်လုပ်မှုကုန်ကျစရိတ်

ဒီဇယ်အင်ဂျင်ဟာ ဓာတ်ဆီအင်ဂျင်ထက် ပိုပြီး ကြီးမားလေးလံသလို ထုတ်လုပ်မှုကုန်ကျစရိတ်ပိုကြီးတာလည်းအသေအချာပါပဲ။ အဲဒီ့အချက်ဟာလည်း မော်တော်ဆိုင်ကယ်တွေမှာ ဒီဇယ်အင်ဂျင်မသုံးရခြင်းရဲ့ အဓိက အကြောင်းအရင်းတွေထဲ တစ်ချက်အပါအဝင်ဖြစ်ပါတယ်။

(ဃ) ကာဗွန်ဒိုင်အောက်ဆိုဒ်ထုတ်လွှတ်မှု 

ဒီဇယ်တစ်ဂါလံဟာ ဓာတ်ဆီတစ်ဂါလံထက် ကာဗွန်ဒိုင်အောက်ဆိုဒ်ထုတ်လွှတ်မှု ၁၃%ပိုများပါတယ်။ ဒါကြောင့် ပတ်ဝန်းကျင်ညစ်ညမ်းစေမှုပိုနည်းတဲ့ ဓာတ်ဆီအင်ဂျင်ကိုပဲ ဆိုင်ကယ်တွေမှာအသုံးပြုတာဖြစ်ပါတယ်။

(င) အင်ဂျင်အတွင်းပိုင်း ပွန်းစားမှု၊ပျက်စီးမှု

ဒီဇယ်အင်ဂျင်တွေဟာ High Pressure နဲ့အလုပ်လုပ်တာကြောင့် အင်ဂျင်အတွင်းပိုင်း ပွန်းစားမှုနှုန်းပိုများပါတယ်။ ထို့အတူ အင်ဂျင်ပွန်းစားမှုဒဏ်သက်သာအောင်ထည့်ရတဲ့ အင်ဂျင်ဝိုင်ပိုများသလို အင်ဂျင်ဝိုင်လဲရတဲ့ ကုန်ကျစရိတ်လည်းပိုများပါတယ်။

(စ) အင်ဂျင်ရုန်းအားနှင့်လည်ပတ်နှုန်း

ဒီဇယ်အင်ဂျင်တွေဟာ ဓာတ်ဆီအင်ဂျင်ထက် ရုန်းအား/လိန်အား (Torque) ပိုများပါတယ်၊ ဒါပေမယ့် လည်ပတ်နှုန်း နှေးပါတယ်။ ဒါ့ကြောင့် ဝန်တင်အားများပြီး နှေးနှေးလည်ပတ်ရတဲ့ ကုန်တင်ကား၊ ရထား၊ သင်္ဘော၊ မီးစက် စတာတွေမှာအသုံးများပြီး ရုတ်တရတ်အရှိန်တင်မောင်းလို့ရတဲ့ ဓာတ်ဆီအင်ဂျင်ကိုသာ ဆိုင်ကယ်တွေမှာအသုံးပြုတာပါ။

(ဆ)  အင်ဂျင်အအေးခံစနစ်

ဒီဇယ်တစ်ဂါလံဟာ ဓာတ်ဆီတစ်ဂါလံထက် စွမ်းအင်ထုတ်လုပ်နိုင်မှုပိုများပေမယ့် လောင်ကျွမ်းမှုကြောင့်ထွက်လာတဲ့အပူစွမ်းအင်ဟာ ဆလင်ဒါနံရံတွေကို ပျက်စီးလွယ်စေပါတယ်။ ဒါ့ကြောင့် သင့်တော်တဲ့ အအေးခံစနစ်မျိုးနဲ့ အပူစွန့်ထုတ်ဖို့ ဧရိယာကျယ်ကျယ် လိုအပ်ပါတယ်။ ဒါတွေကို မဖြစ်မနေထည့်သွင်းတည်ဆောက်လိုက်တဲ့အခါ ဒီဇယ်အင်ဂျင်ဟာ ဓာတ်ဆီအင်ဂျင်ထက် ပိုပြီးကြီးမားသွားလို့ နေရာကန့်သတ်ချက်ရှိတဲ့ ဆိုင်ကယ်တွေမှာသုံးလို့အဆင်မပြေပြန်ပါဘူး။

(ဇ) Turbocharger/Supercharger သုံးစွဲရမှု

ဒီဇယ်ပမာဏတစ်ခုကို စွမ်းအင်ပြည့်သုံးစွဲနိုင်ဖို့အတွက် ဒီဇယ်အင်ဂျင်တွေမှာ ပြင်ပလေပမာဏ များများစားစာရဖို့လိုအပ်ပါတယ်။ အဲလိုရဖို့အတွက် ဆလင်ဒါထဲကို Turbocharger, Supercharger တွေအသုံးပြုပြီး‌ လေမှုတ်သွင်းပေးရပါတယ်။ အဲလိုအစိတ်အပိုင်း‌တွေပါဝင်ရလို့လည်း ဒီဇယ်အင်ဂျင်ဟာ နေရာပိုစားပြီး ကုန်ကျစရိတ်ပိုများရပြန်ပါတယ်။

(ဈ) ဆီကျွေးစနစ်

ဒီဇယ်အင်ဂျင်တွေမှာ လောင်ကျွမ်းပေးမယ့်ဒီဇယ်ကို Injectors အားဖြင့်ဝင်ရောက်စေပါတယ်။ အဲဒီ့စနစ်ဟာလည်း သာမန်ကာပရိုက်တာနဲ့ Spark Plug အသုံးပြုတဲ့ ဓာတ်ဆီအင်ဂျင်တွေထက် ထုတ်လုပ်မှုကုန်ကျစရိတ်ကို ကြီးမြင့်စေသလို ပြုပြင်စရိတ်ကိုလည်း ပိုတက်လာစေပါတယ်။

(ည) စက်နှိုးစနစ်

ဒီဇယ်အင်ဂျင်တွေဟာ ဓာတ်ဆီအင်ဂျင်ထက် ပိုကြီး၊ ပိုလေးတဲ့အပြင် Compression Ratioကလည်းပိုမြင့်တာကြောင့် စက်နှိုးဖို့အသုံးပြုရတဲ့မော်တာကိုလည်း ပိုကြီးသွားစေပါတယ်။ ဓာတ်ဆီအင်ဂျင်လို Kick Start နဲ့ဖြစ်စေ Starter Motor သေးသေးလေးနဲ့ဖြစ်စေ နှိုးဖို့လည်း မလွယ်ကူပါဘူး။

ဒီလိုအကြောင်းအချက်တွေကြောင့် မော်တော်ဆိုင်ကယ်တွေမှာ ဒီဇယ်အင်ဂျင်ကို အသုံးမပြုကြတာပဲဖြစ်ပါတယ်။ အသုံးမပြုကြဘူးဆိုပေမယ့် မရှိဘူးလားဆိုတော့ ရှိပါတယ်။ ၁၉၈၀ နှစ်များတုန်းက ဥရောပတိုက်မှာရှိတဲ့ NATO တပ်‌တွေကစစ်သုံးယာဉ်တွေမှာ ဒီဇယ်လောင်စာဆီကို တစ်သမတ်တည်းသုံးဖို့သတ်မှတ်ပြီး အီတလီနိုင်ငံ Lombardini ကုမ္ပဏီကတပ်ဆင်ထုတ်လုပ်တဲ့ လေအေးခံစနစ် တစ်လုံးထိုးဒီဇယ်အင်ဂျင်တပ်ဆိုင်ကယ်တွေ၊ Sidecar တွေ အသုံးပြုခဲ့ဖူးပါတယ်။ 

ထို့အတူပဲ ၂၀၀၅ခုနှစ်နောက်ပိုင်း အမေရိကန် မရိန်းတပ်မှာလည်း ဒီဇယ်ဆီရော JP8 ဆီပါအသုံးပြုနိုင်တဲ့ ကင်းထောက်မော်တော်ဆိုင်ကယ် တွေအသုံးပြုခဲ့ပါတယ်။ 

 325cc Single Cylinder ဒီဇယ်အင်ဂျင်နဲ့ထုတ်လုပ်ထားတဲ့ အိန္ဒိယနိုင်ငံထုတ် Royal Enfield Taurus ဆိုင်ကယ်ကိုတော့ ပုံမှာ ဖော်ပြထားပါတယ်။ 

စာဖတ်သူအပေါင်း ဆိုင်ကယ်ဗဟုသုတ ရရှိနိုင်ကြပါစေ။

မေတ္တာဖြင့်

ကညီ

My Cubbie Trips

Ref; Wikipedia, Mechanicalsphere.

All Photos Credited to Original Photographer.

#MyCubbieTrips

#Motorcycle #Knowledge

#DieselMotorcycles

Crd copy.